सातवा वेतन आयोग थकबाकी रोखीने देण्याच्या GR बाबत

*DCPS / NPS कर्मचाऱ्यांची ७  व्या वेतन आयोग थकबाकी रोखीने देण्याचा शासन आदेशबाबत -*

*•••••••••••••••••••••••••••••••••••••*
_Post By - Tanaji Somwanshi MRJPHS Latur_
*•••••••••••••••••••••••••••••••••••••*

_दि. 30 मे 2019 रोजी आलेल्या या शासन आदेशातील ठळक बाबी अशा -_

👉🏻 १. 1 जानेवारी 2016 ते 31 डिसेंबर 2018 कालावधीतील सातव्या वेतन आयोगाची थकबाकी ही समान 5 हप्त्यात दरवर्षी 1 जूलैला अशी 5 वर्षात देण्यात येईल.

👉🏻 *ज्यांची DCPS / NPS कपात नियमीत सुरु आहे -* त्यांना सातव्या वेतन आयोगाच्या नवीन बेसीकच्या (मुळ वेतन + महागाई भत्ता) १०% इतकी रक्कम DCPS / NPS खात्यात जमा व्हायला हवी. जी सहाव्या वेतन आयोगातील बेसिकप्रमाणे जमा झाली होती. याचा फरक वगळून उर्वरित रक्कम समान 5 हप्त्यात जमा होईल.

👉🏻 *ज्यांची DCPS / NPS कपात रक्कम नियमीत नाही -*
त्यांची आतापर्यंतची सहाव्या व सातव्या आयोगातील बेसिकच्या १०% कपात DCPS / NPS खात्यात जमा होईल. म्हणजे अशा कर्मचाऱ्यांची सातव्या वेतन आयोगाची थकबाकीची रक्कम मिळण्याची शक्यता कमीच आहे.  जर या अगोदरच काही कपात झाली असेल तर काही ठराविक रक्कम मिळू शकते.

👉🏻 *या कालावधीत मयत झालेल्या कर्मचाऱ्यांची थकबाकी -* 1 जानेवारी 2016 ते  31 डिसेंबर 2018 या कालावधीत मयत झालेल्या कर्मचाऱ्यांची थकबाकीची रक्कम  सातव्या आयोगाप्रमाणे १० % कपात होऊन उर्वरित रक्कम रोखीने एकदाच त्यांच्या वारसांना मिळेल.

⚪ *कर्मचाऱ्यांसाठी चांगल्या बाबी -*

👉🏻 *महाराष्ट्र राज्य जुनी पेन्शन हक्क संघटनने* अगोदरपासूनच या संदर्भात निवेदने देऊन मागणी केली होती. त्याची दखल घेत शासनाने थकबाकी रक्कम रोख दिली, ही आनंदाची बाब आहे.

👉🏻 ज्यांची नियमीत कपात आहे, अशा कर्मचाऱ्यांना याचा सर्वात जास्त फायदा होईल. यात शिक्षण विभाग वगळून इतर विभागाच्या कपाती नियमीत असल्याने त्यांना या शासन आदेशाचा सर्वात जास्त फायदा होईल. तसेच संबंधित सर्व विभाग आता महाराष्ट्र राज्य जुनी पेन्शन हक्क संघटनसोबत जोडण्यास खूप मोठी मदत होईल.

👉🏻 जुन्या कर्मचाऱ्यांची थकबाकीची रक्कम ही त्यांच्या GPF खात्यावर व तेथून विशिष्ट कालावधीनंतर मिळणार मात्र DCPS / NPS कर्मचाऱ्यांना तात्काळ त्याचवर्षी रक्कम मिळेल, हाच सर्वात मोठा फायदा आपणास होईल.

⚫ *कर्मचाऱ्यांसाठी वाईट बाबी -*

👉🏻 संबंधित शासन आदेशातील ठराविक अटींमुळे ज्या कर्मचाऱ्यांनी आपली DCPS / NPS कपात बंद केली होती, त्यांची कपात नियमीत करुन घेऊन कोर्टामध्ये व कर्मचाऱ्यांवर संबंधित योजना थोपवण्याचा प्रयत्न १००℅ यशस्वी केला आहे. संबंधित कर्मचाऱ्यांना विचारात न घेता त्यांची कपातीची थकबाकी जमा करुन घेऊन कोर्टामध्ये शासनाची कमजोर असलेली बाजू सावरण्याचा प्रयत्न शासनाचा आहे.

*एकंदरीत विचार करता शासन आदेशाचे स्वागतच करायला हवे, मात्र यातील ठराविक अटी रद्द करण्यासाठी सर्वांनी प्रयत्न करुन महाराष्ट्र राज्य जुनी पेन्शन हक्क संघटनच्या पाठीशी ठामपणे उभे राहणे आवश्यक आहे.

✍🏻 *तानाजी सोमवंशी, जिल्हाध्यक्ष MRJPHS लातूर*

कै.बंडू वाघमारे सर मदतनिधी वितरण सभा

*_!!! स्तब्ध मी !!!_*
            *_!!! सुन्न मी !!!_*
                      *_!!! नि:शब्द मी !!!_*

_भांबावल्या भयाण रात्री_
_केली भावनांची शिदोरी गोळा...._
_नाजूक माझ्या भावनांची शिदोरी_
_भयाण रात्रीही धीर देईल थोडा..._

*_डोळ्यांच्या कडा नकळत पाणावणारी ऱ्हदयस्पर्शी सभा..._*

_कै. बंडू वाघमारे सर यांच्या चिमुकल्यांसाठी महाराष्ट्र राज्य जुनी पेन्शन हक्क संघटनच्या वतीने व्हाट्स अपद्वारे जाहीर आवाहन करुन मदतनिधी जमा करण्यात आला होता. तो किती जमा झाला, कोणी जमा केला हा विषय गौण असून सरांच्या पश्चात त्यांच्या चिमुकल्यांची स्वप्ने साकार करण्यात कोठेतरी खारीचा वाटा उचलण्याचे भाग्य आपणा सर्वांच्या सहकार्याने मराजूपेह संघटनला लाभले. खरेतर ही पैशांची मदत नव्हतीच, मदत होती ती आपल्या सर्वांच्या भावनांची..._
         _आज एखादा DCPS / NPS कर्मचारी मृत पावला तर त्याच्या कुटुंबियांची काय अवस्था होते, त्याच्या चिमुकल्यांचे भवितव्य काय ? हा गहन प्रश्न कोणत्याही संवेदनशील नागरिकाला अनुत्तरीतच करतो. याच संवेदनशीलतेने तब्बल कै. बंडू वाघमारे सर यांच्या दोन चिमुकल्यांच्या नावाने ८०,०००/- (४०,००० + ४०,०००) पूढील १७ वर्षासाठी FD करुन (१७ वर्षानंतर चौपट रक्कम म्हणजे ३,२०,०००/-) त्यांच्या स्वाधीन करण्यात आली. यावेळी सरांच्या आठवणी व आपण सर्वांनी दिवेला भावनिक धीर यामुळे थोडावेळ वातावरण अधिक भावनिक झाले, उपस्थित सर्वांच्या डोळ्याच्या कडा नकळत पाणावल्या._
       _या सर्व कागदोपत्री प्रक्रियेसाठी दोन - तीन महिने कालावधी जरी लागला असला तरी आपण सर्वांनी दिलेली भावनिक मदत १७ - १८ वर्षानंतरही स्मरणात राहील. या सर्व प्रक्रियेत ज्या ज्ञात / अज्ञात हात लागले त्या सर्वांचे आभार. सरांच्या मदतनिधीसाठी म.गांधी चौक येथील हल्लाबोल आंदोलनात श्री.संतोष सुर्यवंशी सर यांनी उत्स्फूर्तपणे आगळी वेगळी वेशभूषा करत 5,240रु. निधी जमवला, *त्यांच्या समर्पण भावनेला सलाम !!!* तसेच देवणी तालुकाध्यक्ष श्री. संतोष पाटील सर जवळजवळ दोन महिने या पुर्ण कागदोपत्री प्रक्रियेसाठी उन्हातान्हाची पर्वा न करता फिरले, *त्यांच्या कार्याला सलाम !!!* तसेच केवळ व्हाट्स अप द्वारे आवाहन करुन आपण सर्वांनी केलेल्या *मदतरुपी दातृत्वाला सलाम !!!*_

```सदरील सभेसाठी देवणी तालुक्याचे गटशिक्षणाधिकारी श्री. कुळकर्णी साहेब, संबंधित विभागाचे सर्व कर्मचारी, पेन्शन हक्क संघटनचे जिल्हाध्यक्ष तानाजी सोमवंशी सर, सरचिटणीस तुळशीदास धडे सर, जिल्हा उपाध्यक्ष विकी येलमट्टे सर, जिल्हा समन्वयक गोविंद पतंगे सर, देवणी तालुकाध्यक्ष संतोष पाटील सर, चाकूर तालुकाध्यक्ष श्री. संतोष पाटील सर (सरांनी वैयक्तिक पातळीवर १४,०००/- रु. मदतनिधी जमा केला.) व संघटनचे उपस्थित अनेक शिलेदार या सर्वांचे आभार !!!```

_वो जितने अंधेरे लाएंगे,_
मैं उतने सूर्य उगाऊँगा,
_वो जितनी रात बढ़ाएंगे,_
मैं उतने उजाले लाउंगा,
_इस छल फरेब की आँधी में,_
मैं दीप नहीं बुझने दूंगा,
_हमे पुरानी पेन्शन लेने की जिद् हैं_
इसे लिए बिना चूप नहीं बैठूंगा!

*_विनीत, समस्त महाराष्ट्र राज्य जूनी पेन्शन हक्क संघटन लातूर_*

*वरिष्ठ व निवड वेतन श्रेणी प्रस्ताव लवकरच निकाली काढू...* ✊🏻

*वरिष्ठ व निवड वेतन श्रेणी प्रस्ताव लवकरच निकाली काढू...* ✊🏻

~*_महाराष्ट्र राज्य जुनी पेन्शन हक्क संघटनच्या शिष्टमंडळाला मा. मुख्य कार्यकारी अधिकारी श्री.विपीन इटनकर साहेबांचे आश्वासन_*~ 👊🏻

_सर्व शिक्षक बंधू भगिनींना पेन्शनमय नमस्कार...._ 🙏

```शिक्षण खात्याअंतर्गत प्रमोशन नसल्याने शिक्षकांना १२ व २४ वर्षानंतर वरिष्ठ व निवड वेतनश्रेणी दिली जाते. मात्र 23/10/2017 च्या शासन निर्णयानुसार विविध अटी घालून मागील दिड वर्षापासुन प्रस्ताव मंजुरी रखडली होती. शिक्षक शाळेवर आपले कर्तव्य तन मन धनाने पार पाडत आहेत मात्र विशिष्ट शासन निर्णयाचे कारण दाखवून गेल्या दिड वर्षापासुनचे प्रस्ताव अपात्र ठरवणे हा शिक्षकांच्या कर्तव्यावर गदा आणल्यासारखे  झाले आहे, हा विषय साहेबांना पटला. लागलीच आम्ही 23/10/2017 चा व 21/12/2018 चा शासन आदेश दाखवून त्यातील सर्व मुद्दे साहेबांनी वैयक्तीकपणे पाहिले. व त्यावर सकारात्मक भूमिका घेत विविध शंका विचारल्या, त्यावर आपल्या टीमच्या अभ्यासपुर्ण अशा सहकार्याने सादरीकरण मला करता आले.  साहेबांनी अगदी व्यस्त वेळेतून   20-25 मिनीटे या विषयावर चर्चा केली. यावर "तात्काळ कार्यवाही करावी" असा शेरा लिहला. व लवकरच "शिक्षण विभागासोबत" यावर बैठक घेऊन तुमच्या सातव्या वेतन आयोगाचे fixation याप्रमाणेच करु, असे आश्वासन दिले.```
           _निवेदन देताना फोटोचा आग्रह केला असता फोटोपेक्षा वेतनश्रेणीचे आदेश घ्या, असे विनोदी उत्तर दिले. शिक्षणाधिकारी जामदार मॅडमनी हा प्रश्न लवकर सोडवू असे आश्वासन दिले. सदरील कामासाठी विविध कागदपत्रे व शासन आदेश जमा करण्याकामी जिल्हा सल्लागार श्री. ज्ञानेश्वर गवरे सर यांचे मोलाचे सहकार्य लाभले. यावेळी मराठवाडा उपाध्यक्ष सचिन चव्हाण, जिल्हा सरचिटणीस तुळशीदास धडे, जिल्हा का.सचिव विजयसिंह मोरे, जिल्हा कार्याध्यक्ष इस्माईल शेख, जिल्हा उपाध्यक्ष तथा खास यासाठी जळकोटहून आलेले नवनाथ जाधव, औसा तालुकाध्यक्ष महादेव बुरांडे, लातूर तालुकाध्यक्ष मतीन अब्बासी, लातूर शहराध्यक्ष प्रताप माने, औसा शहर सरचिटणीस बस्वराज नन्ना, शरद पांचाळ, जगदिश केंद्रे यांच्यासह अनेक पेन्शन फायटर (सर्वांची नावे लिहीणे शक्य नाही) उपस्थित होते._
          ~सर्व बांधवाना विनंती आपले प्रस्ताव तात्काळ जिल्हा परिषदेमध्ये जमा करावेत, ही विनंती...~

                         _सदैव आपलाच_
_तानाजी सोमवंशी ९०१११०४४६४_
    _जिल्हाध्यक्ष, MRJPHS लातूर_