२३/१० च्या जी.आर. लवकरच रद्द करु

"२३/१० च्या जी.आर. लवकरच रद्द करु" शिक्षणमंत्री विनोद तावडेंचे जूनी पेन्शन हक्क संघटन शिष्टमंडळाला आश्वासन

काल शिक्षण मंत्र्यांनी दिलेल्या वेळेनुसार सकाळी ठीक ०८.०० वाजेपासूनच पेन्शन हक्क संघटनचे शिलेदार "शासकीय विश्रामगृह, लातूर" येथे उपस्थित राहिले. विनोद तावडे साहेबांनी बरोबर ०८.३० ला भेटीसाठी आपल्या शिष्टमंडळाला पाचारण केले. यावेळी शिष्टमंडळाने विनोद तावडे साहेबांना २३/१० च्या वरीष्ठ वेतनश्रेणीचा शासन निर्णय रद्द करण्याचे निवेदन दिले. व त्याविषयी सविस्तर चर्चा केली. त्यावेळी साहेबांनी हा शासन आदेश रद्द करु असे आश्वासन दिले. यावेळी "साहेब, अशी आश्वासने आम्हाला पुष्कळ मिळाली, मात्र महाराष्ट्रातील समस्त शिक्षक अजूनही शासन निर्णयाची वाट पाहतच आहेत." त्यावर शिक्षण मंत्र्यांनी सांगितले,"आता जास्त वाट पहावी लागणार नाही." असे उत्तर दिले.
       सदरील भेटीच्या शिष्टमंडळाचे नेतृत्व मराठवाडा उपाध्यक्ष सचिन चव्हाण सर व जिल्हाध्यक्ष तानाजी सोमवंशी यांनी केले. त्यांच्यासोबत जिल्हा सरचिटणीस तुळशीदास धडे सर, रेणापूर तालुकाध्यक्ष अरुण जांभळे, औसा तालुकाध्यक्ष महादेव बुरांडे सर, जिल्हा कोषाध्यक्ष राहुल रोकडे सर, जिल्हा संघटक परमेश्वर रोळे सर, जिल्हा प्रतिनिधी दिनेश नरवणे सर, दत्ता यादव सर, मोरे विजयसिंह सर, दत्तात्रय बेद्रे सर, संतोष सुर्यंवशी सर आदि पेन्शन फायटर उपस्थित होते.